आजदेखि सुरु भएको एसईई परिक्षामा ५७ वर्षीया राधादेवी पुनसहित नौ महिला सहभागी भएका छन्। म्याग्दीको सदरमुकाम बेनीस्थित उज्यालो वैकल्पिक विद्यालयबाट उनीहरु परिक्षा दिएको जनाइको छ।
परिक्षाको पहिलो दिन शुक्रबार परिक्षा हलमा ५७ वर्षीया राधादेवी पुन, ५० वर्षीया डिलकुमारी पुर्जा, इन्द्रामती फगामी ३७ वर्षीया, सङ्गीता छिनाल ३५ वर्षीया, तुलकमारी मल्ल केसी ५४ वर्षीया, धनकुमारी विक ३९ वर्षीया, रामदेवीपुन ४० वर्षीया, विष्णुकुमारी गुरुङ ४९ वर्षीया र पूजा छन्त्याल २८ वर्षीया सहभागी थिए।
विद्यालय सञ्चालक समितिका अध्यक्ष राजेश शाक्य अनुसार महिलाहरुको पढ्ने धोको पूरा गर्नका लागि सञ्चालन गरिएको सोहि विद्यालयलाई प्रदेश सरकार, बेनी नगरपालिकाको अनुदान र स्वदेश तथा विदेशमा रहेका दातामा प्राप्त चन्द्राबाट विद्यालय सञ्चालन गरिएको छ।
यस्तै सोहि विद्यालयबाट अघिल्लो वर्ष सात महिलाले एसईई उत्तीर्ण गरेको साक्यले बताए । उनले भने, “यस विद्यालयमा २० वर्ष भन्दामाथिका ३९ महिला अध्ययनरत रहेका छन् ।”
